Спорт Iофтхьабзэу «IофшIэным ыкIи зыкъэухъумэжьыным са­фэхьазыр» зыфиIорэм унагъохэр хэлэжьэнхэу Мыекъуапэ физическэ культурэмкIэ ыкIи спортымкIэ и Комитет регъэблагъэх. Ар тым и Мафэ фэгъэхьыгъэщт ыкIи чъэпыогъум и 19-м рагъэкIокIыщт.

Зэнэкъокъоу «Унэгъо ГТО-м» команднэ упражнениехэр къыдыхэлъытагъэх. Шап­хъэхэр зэрагъэцэкIэщтхэм дакIоу ащ хэлажьэхэрэм яунагъохэм ягъусэхэу яуахътэ агъэкIощт, япсауныгъи агъэпытэщт.

Зызыушэтыхэрэм яунэе къэгъэлъэгъонхэм адакIоу, командэм, тымрэ кIэлэцIыкIумрэ зэрэзэдырагъаштэрэм судьяхэм уасэ афашIыщт. Iофтхьабзэр мэфэкI шIыкIэм тетэу рекIокIыным зэхэщакIохэр пылъыщтых. Ар республикэ стадионэу «Зэкъошныгъэм» ГТО-мкIэ иплощадкэ (урамэу Гагариным ыцIэ зыхьырэм илъэныкъокIэ удэхьан плъэкIыщт) чъэпыогъум и 19-м пчэдыжьым сыхьатыр 10-м щырагъэжьэщт.