ПцэжъыеешэнымкIэ Евразием ­иапэрэ чемпионат Мыекъопэ районым ит псыубытыпIэу «Кужорэм» мы мафэхэм щэкIо.
Мы чIыпIэм дунэе мэхьанэ зиIэ зэнэ­къокъухэр бэрэ щырагъэкIокIых. Урысыем, КНР-м, Абхъаз Республикэм, Армением, Беларусь, Кореем, Узбекистан, Сирием, Вьетнам, Туркменистан ялIыкIохэр мыщ хэлажьэх.
— Пцэжъыеешэныр зыгу рихьыхэрэм ямызакъоу, Урысыем испорт сообществэкIи Евразием ичемпионат мэхьанэшхо зиIэ хъугъэ-шIагъ. Къэралыгъо зэфэшъхьафхэм яспортсменхэм язэпхыныгъэ гъэпытэгъэным ар фэIорышIэ, — къыщаIуагъ Урысыем пцэжъыеешэнымкIэ спортым и Федерацие.