Унэхэм ягъэфэбэн рагъэжьагъ
Адыгеим имуниципальнэ образованиехэм янахьыбэхэм ом изытет къыдалъытэзэ, унэхэм ягъэфэбэн рагъэжьагъ.
Республикэм икъэлитIумэ яадминистрациехэм япресс-къулыкъухэм къызэрэщаIуагъэмкIэ, Адыгэкъалэрэ Мыекъуапэрэ ясоциальнэ псэуалъэхэм ыкIи псэупIэ фондым чъэпыогъум и 15-м фабэр аратыгъ. А уахътэм ехъулIэу псэупIэ-коммунальнэ хъызмэтыр бжыхьэ-кIымэфэ уахътэм фагъэхьазыри, ар къэзыушыхьатырэ тхылъхэр къаратыгъэх.
НахьыпэкIэ специалистхэм инженер псэуалъэхэм ящыкIагъэр арашIылIагъ, Ростехнадзорым ахэр ыуплъэкIужьыгъэх.
МыекъуапэкIэ пстэумэ апэу кIэлэцIыкIу IыгъыпIэхэм, еджапIэхэм, псауныгъэм икъэухъумэн епхыгъэ учреждениехэм фабэр аратыгъ. Къалэм ипсэупIэ фондэу, фэтэрыбэу зэхэт унэ 500-м ехъу зыхахьэрэм игъорыгъоу фатIупщы.
Ащ тетэу котельнэхэм яIофшIэн зэрэрагъажьэрэм фабэм икIуапIэхэм атегъэуагъэр нахь макIэ ышIыщтэу, зэпыу фэмыхъоу цIыфхэм яунэхэм арыхьаным фэIорышIэщтэу ары къэлэ администрацием къызэрэщаIуагъэр.