ГандболымкIэ Урысыем и Суперлигэ хэт «АГУ-Адыифыр» зэнэкъокъум хэлэжьэрэ командэ анахь лъэшхэм ащыщэу «ЦСКА-м» Москва щыIукIагъ.

«ЦСКА» — «АГУ-Адыиф» — 43:27 (23:14)
«ЦСКА-м» щешIагъэх: къэ­лэпчъэIутхэр — Аношкинар, Маркинар. Левчинар — 6, Семинар — 6, Сабировар — 5, Санталовар — 5, Васильевар — 4, Томилинар — 4, Крупенниковар — 2, Чигириновар — 2, Собкало — 2, Илларионовар — 2, Гаряевар — 2, Никитинар — 1, Мурзалиевар — 1, Явон — 1.
«АГУ-Адыифым» хэтыгъэх: къэлэпчъэIутхэр — Черницовар, Гобадзе. Хавронинар — 9, Локян — 5, Коблыр — 4, Вайкум — 3, Миловар — 2, Салаховар — 1, Краснокутскаяр — 1, Алексеевар — 1, Арцер — 1.
Мыщ фэдэ командэ лъэшхэм уадешIэныр сыдигъокIи къины. ЗэIукIэгъум ия 5-рэ такъикъым ехъулIэу пчъагъэр зэфэдизыгъ — 4:4. Ау нэужым бысымхэм яешIакIэ рагъэхъугъ ыкIи я 15-рэ такъикъым Iэгоуи 6-кIэ, таймым икIэухым 9-кIэ ыпэ ишъыгъэх. Апэрэ едзыгъор 23:14-у аухыгъ. Мыщ дэжьым «АУ-Адыифым» игъэхъагъэу плъытэн плъэкIыщт УрысыемкIэ бзылъфыгъэ гандболым пэрытныгъэ щызыIыгъ командэхэм ащыщым икъэлапчъэ Iэгоо 14 дидзэн зэрилъэкIыгъэр.
ЯтIонэрэ едзыгъоми командэхэм зэIухыгъэ ешIакIэ къагъэлъэгъуагъ ыкIи къэлапчъэм Iэгоуабэ дадзагъ. Пчъагъэр 43:27-у зэIукIэгъур аухыгъ.
«Уфа-Алисэм» «Универси­тетым» дыриIэгъэ зэIукIэгъур 33:29-у къышIуихьыгъ. «Астраханочкэр» «Черноморочкэм» нахь лъэшыгъ. «Звездар» «Лучым» (пчъагъэр — 28:25), «Ростов-Доныр» «Ла­дэм» (пчъагъэр — 29:22) атекIуагъэх. «Кубаньрэ» «Динамо-Синарэрэ» яешIэгъу пчъагъэр зэ­фэдизэу аухыгъ.
Мыекъуапэ икомандэ я 9-рэ чIыпIэм щыт. КъыкIэлъыкIощт ешIэгъур тигандболисткэхэм Мые­къуапэ щыряIэщт, «УФа-Алисэр» тихьакIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 12.
2. «ЦСКА» — 12.
3. «Астраханочка» — 10.
4. «Лада» — 8.
5. «Черноморочка» — 8.
6. «Звезда» — 7.
7. «Динамо-Синара» — 5.
8. «Кубань» — 4.
9. «АГУ-Адыиф» — 2.
10. «Уфа-Алиса» — 2.
11. «Луч» — 2.
12. «Университет» — 0.