Теннис цIыкIумкIэ Краснодар краим изэнэкъокъоу «Надежды Кубани» зыфиIорэм иящэнэрэ тур къалэу Славянск-на-Кубани щырагъэжьагъ. МэфиплIым къыкIоцI кIощт Iофтхьабзэм Адыгэ Республикэр къыщызыгъэлъагъохэрэр Мыекъуапэ ыкIи Тэхъутэмыкъое районым яспорт еджапIэхэм ялIыкIохэр ары.

Мы мафэхэм зы­ныбжь илъэс 12-м емы­хъугъэхэр зэнэкъокъу­гъэх. Ахэм ахэ­тыгъэх республикэм испорт­сменхэу Бзаго Дамир, Матюшинхэу Адамрэ Эльдаррэ. ЗэкIэмкIи нэбгырэ 94-мэ заушэ­тыгъ. ТикIалэхэмкIэ къэ­гъэлъэ­гъон анахь дэгъу зиIэр Бзаго Дамир, ащ я 8-рэ чIыпIэр къыди­хыгъ. Пшъа­шъэ­хэмкIэ зэнэкъо­къум хэлэжьа­гъэр илъэсий зы­ныбжь Бзаго Дарин. Ар зыхэтыгъэ купым нэбгырэ 84-мэ зыщаушэтыгъ, Даринэ я 28-рэ чIыпIэр къыфагъэшъо­шагъ.

Турнирыр джыри макIо, непэ зыныбжь илъэс 16-м емыхъугъэ­хэр, неущ илъэс 20-м шIомыкIыгъэхэр зэнэкъокъущтых. Тиспорт­сменхэм гъэхъагъэхэр ашIынхэу афэтэIо.