Медальхэр къахьыгъэх
Атлетикэ онтэгъумкIэ Урысыем ипервенствэ къалэу Иркутскэ щыкIуагъ. Илъэс 15 — 18 ыкIи 19 — 20 зыныбжь спортсменхэм заушэтыгъ. Къэралыгъом ишъолъыр 54-мэ яатлет анахь лъэшхэр мыщ щызэIукIагъэх.
Адыгэ Республикэр нэбгыри 8-мэ къагъэлъэгъуагъ. «Рывок» зыфиIорэ лъэныкъомкIэ зэнэкъокъум текIоныгъэр къыщыдихыгъ Шэуджэн районым илIыкIоу Ордэкъо Астемир. Ащ килограмм 61-м нэс къэзыщэчыхэрэм якуп зыщиушэтыгъ ыкIи килограмми 106-рэ къыIэтыгъ. КIалэм итренерых Хьагъурхэу Хьалимрэ Рэджэбрэ. Килограмм 55-м нэс къэзыщэчыхэрэм якуп хэтыгъэ Тэхъутэмыкъое районым щыщ Ацумыжъ Самир щэгъогогъо джэрз медаль къыхьыгъ. Роман Казаковымрэ Артем Горловымрэ ар агъасэ. Джащ фэдэу Красногвардейскэ районыр къэзыгъэлъэгъогъэхэ Бгъошэ Асхьадрэ Шашэ Рустамрэ ящэнэрэ чIыпIэр къыдахыгъ. Спортсменхэр Сихъу Аслъан егъасэх.
