Футбольнэ командэу «Зэкъошныгъэм» изэхэщакIоу, Хэгъэгу зэошхом иветеранэу, Социалистическэ IофшIэным и ЛIыхъужъэу Николай Остапенкэм ишIэжь фэгъэхьыгъэ зэнэкъокъу Мыекъуапэ щыкIуагъ. Республикэм икъэлэ шъхьаIэ физическэ культурэмкIэ ыкIи спортымкIэ и Комитет иIэпыIэгъукIэ ар рагъэкIокIыгъ.

Турнирым командищ хэлэжьагъ. ТекIоныгъэр къыдихыгъ «ВНГ-м», ятIонэрэ чIыпIэр «Джокерым» фагъэшъошагъ, «Штурмыр» ящэнэрэ хъугъэ. ХэушъхьафыкIыгъэ шIухьафтынхэмкIэ къыхагъэщыгъэх: Араик Агабабян («Штурм») — къэлэпчъэIут анахь дэгъу, Сергей Новиковыр («Джокер») — турнирым иешIэкIо анахь дэгъу, Цыргъой Адам («ВНГ») — къэлапчъэм анахьыбэу Iэгуаор дидзагъ.