ФутболымкIэ Урысыем изэнэкъокъу иятIонэрэ лигэ икупэу «1Б-м» хэт «Зэкъошныгъэм» я 4-рэ турым къыдыхэлъытэгъэ ешIэгъоу мы мафэхэм Мыекъуапэ щыриIагъэм текIоныгъэр къыщыдихыгъ. Адыгеим икъэлэ шъхьаIэ ихьэкIагъ зэнэкъокъум пэрытныгъэ щызыIыгъ командэу «Астрахань» зыфиIорэр.

«Зэкъошныгъ» — «Астрахань» — 1:0 (1:0).
Къэлапчъэм Iэгуаор дэзыдза­гъэр: Г. Абдуллаевыр (я 40-рэ такъикъым).
«Зэкъошныгъэм» щешIагъэх: Т. Хачировыр (къэлэпчъэIут), Т. Мохбалиевыр, С. Черджиевыр, У. Магомедбековыр, К. Юшко, К. Анотонец, Т. Хьэхыр (Д. Ширковскэр), Э. Цанава, Г. Абдуллаевыр, (Д. Антоненкэр), А. Делэ- къор, Е. Рагулькиныр.
Тренер шъхьаIэр — С. Мирошниченкэр.
«Астрахань» щешIагъэх: В. Гришиныр (къэлэпчъэIут), Ф. Галочкиныр, Д. Владимировыр, Р. Маломусовыр, Е. Кривохижиныр (С. Абзалиловыр), И. Левченковыр (И. Масленниковыр), Д. Шаталовыр, М. Малыш, Д. Золоторенкэр (Н. Злобиныр), А. Карповыр, И. Предеус (Д. Сизовыр).
Тренер шъхьаIэр — А. Бабаян.
«Зэкъошныгъэм» купэу «1Б-м» апэрэ чIыпIэр щиубытын амал иIэнымкIэ мы ешIэгъум мэхьанэшхо иIагъ. Республикэм икомандэ пэрытныгъэр зыIыгъ «Астрахань» дэгъу дэдэу дешIагъ ыкIи я 40-рэ такъикъым тифутболистхэм ащыщэу Евгений Рагулькиным Гаджимурад Абдуллаевым Iэгуаор IэкIигъахьи, ар къэлап­чъэм дэуагъ ыкIи пчъагъэр къызэIуихыгъ, 1:0-у зэIукIэгъур аухыгъ.
— «Астрахань» ешIэкIэ гъэшIэгъон къыгъэлъэ­гъуагъэп. Тифутболистхэр дэгъоу джэгу­гъэх, ащкIэ сафэраз. ТекIоныгъэр къызэрэдэтхыгъэмкIэ футболыр зыгу рихьыхэу республикэм щыпсэухэрэм сафэгушIо, — къыIуагъ зэфэхьысыжьхэр къышIызэ «Зэ­къошныгъэм» итренер шъхьаIэу Сергей Мирошниченкэм.
Я 4-рэ турым изэфэхьысыжьхэр:
«Зэкъошныгъ» — «Астрахань» — 1:0, «Спартак-Налщык» — «Легион» — 4:0, «Динамо-2» — «Ангушт» — 1:1, «Шъачэ-2» — «Рубин Ялта» — 1:2.
Турнир таблицэм «Зэкъошныгъэр» ятIонэрэ чIыпIэм къэ­кIуагъ, пэрытныгъэр зыIыгъ «Астрахань» очкоуи 2 ныIэп ыуж къызэринэрэр. КъыкIэлъыкIощт турым тикомандэ Ялтэ щешIэщт, чъэпыогъум и 19-м «Рубиным» IукIэщт.
Командэхэр зыдэщыт чIыпIэхэр ыкIи очко пчъа­гъэу рагъэкъугъэр:

1. «Астрахань» — 46.
2. «Зэкъошныгъ» — 44.
3. «Шъачэ-2» — 42.
4. «Рубин Ялта» — 40.
5. «Ангушт» — 30.
6. «Легион» — 30.
7. «Спартак-Налщык» — 21.
8. «Динамо-2» — 5.