Iофтхьабзэр гъэшIэгъонэу рекIокIыгъ
Атлетикэ псынкIэмкIэ олимпийскэ резервым испорт еджапIэу N 1-м ипервенствэ гъэшIэгъонэу зэхащагъ.
Республикэм изаслуженнэ тренерхэу Анатолий Иващенкэм, Константин Чадиным, Анатолий Коноваловым ыкIи Андрей Чечиным яшIэжь фэгъэхьыгъэ Iофтхьабзэм Адыгеим икъэлэ шъхьаIэ, Мыекъопэ, Джэджэ ыкIи Красногвардейскэ районхэм яспортсменхэр хэлэжьагъэх.
Илъэс 14-м ыкIи 16-м анэс зыныбжь кIалэхэмрэ пшъашъэхэмрэ къэзэдэчъагъэх, нэмыкI лъэныкъохэмкIэ заушэтыгъ. Мы зэнэкъокъур Адыгэ Республикэм и Кубок икъыдэхын хэлэжьэщт спортсменхэм ахэплъэгъэнымкIэ IэубытыпIэ хъугъэ. А Iофтхьабзэр непэрэ неущрэ республикэ стадионэу «Зэкъошныгъэм» щыкIощт.