Налщык щызэIукIагъэх
Теннис цIыкIумкIэ зэнэкъокъоу «Шаг в будущее – СКФО» зыфиIорэр Налщык щырагъэжьагъ. Ащ Адыгэ Республикэм ихэшыпыкIыгъэ командэ хэлажьэ. Ащ хэхьагъэх 2011-рэ илъэсым къэхъугъэхэр ыкIи ахэм анахьыкIэхэр. ЗэкIэмкIи кIэли 4-рэ пшъэшъи 4-рэ.
Мыр зэнэкъокъум иящэнэрэ тур къыдыхэлъытагъ ыкIи Темыр-Кавказ федеральнэ шъолъырым, джащ фэдэу Адыгеим, Краснодар краим ыкIи Урысыем исубъектыкIэхэм ялIыкIохэм зыщаушэты. ТикIалэхэр непэ команднэ зэнэкъокъухэм ахэлажьэх, хагъэунэфыкIырэ чIыпIэхэм афэбанэх. Унэе турнирым испортсмен анахь лъэшхэм ахэфагъэх Мыекъуапэ испортсмен ныбжьыкIэхэу Артем Вариводинымрэ Адам Матюшинымрэ.