Чъэпыогъум и 12-р — мэкъу-мэщымрэ къыдэгъэкIыжьынымрэ ащылажьэхэрэм я Маф
Мэкъумэщымрэ къыдэгъэкIыжьынымрэ ащылажьэхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIымкIэ тышъуфэгушIо! Мэкъумэщым щылажьэхэрэм ягуетыныгъэ, сэнэхьатэу хахыгъэм зэрэфэшъыпкъэхэм яшIуагъэкIэ щынэгъончъэ гъомылапхъэр игъэкIотыгъхэу цIыфхэм аIэкIэгъэхьэгъэным, лъэпкъ экономикэр гъэпытэгъэным имал щыIэ хъугъэ.
Къэралыгъо IэпыIэгъу инэу а лъэныкъом пэIуагъахьэрэм ишIуагъэкIэ чIыгулэжьынымкIэ, былымхъунымкIэ ыкIи нэмыкIхэмкIэ пэрыт шIыкIэ-амалхэр игъэкIотыгъэу агъэфедэхэ хъугъэ.
Адыгэ Республикэм имэкъу-мэщ джыри нахь хэхъоныгъэ ышIыным, IофшIэпIэ чIыпIакIэхэр зэхэщэгъэнхэм, инвестициехэр нахьыбэу шIыгъэнхэм, къоджэ лэжьакIохэм щыIакIэу яIэм нахь зыкъегъэIэтыгъэнымкIэ бэ зэшIохыгъэ хъурэр.
Республикэм мэкъумэщымкIэ амалэу иIэхэм джыри нахь ахэхъонымкIэ, къахьыжьырэр нахьыбэ хъунымкIэ а Iофтхьэбзэ пстэуми яшIогъэшхо къызэрэкIощтым тицыхьэ телъ.
Мэкъумэщымрэ къыдэгъэкIыжьынымрэ ащылажьэхэу ыкIи яветеранхэу лъытэныгъэ зыфэтшIыхэрэр, шъуигуетыныгъэ, чIыгум шIулъэгъоу фышъуиIэм ыкIи шъуиIэпэIэсэныгъэ апае инэу тышъуфэраз.
Псауныгъэ пытэ шъуиIэнхэу, гъэхъэгъакIэхэр шъушIынхэу, шъуиунагъохэм насыпрэ зэгурыIоныгъэрэ арылъынэу шъуфэтэIо!
Адыгэ Республикэм и ЛIышъхьэу, Урысые политическэ партиеу
«Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр