Теннис цIыкIумкIэ Мыекъуапэ ипервенствэ спортсмен 50 фэдиз хэлэжьагъ. Ахэр аныбжь елъытыгъэу гощыгъагъэх ыкIи мы мафэхэм анахь лъэшхэр къэнэфагъэх.

Мыекъопэ спорт еджапIэу С.М. Джэнчатэм ыцIэ зыхьырэм зыщызыгъэсэрэ илъэс 13 зыныбжь Артем Вариводиным къэгъэлъэгъон дэгъухэр иIэх, ащ апэрэ чIыпIитIу къыхьыгъ. Пшъашъэхэм анахьэу къахэщыгъэр Вероника Ивановар ары, ащ текIоныгъэр къыдихыгъ, зыныбжь илъэс 20-м емыхъугъэхэм якуп ятIонэрэ щы­хъугъ. Мыщ щытекIуагъэр Гъыдзэ Самира. Эльдар Матюшинымрэ Бзаго Даринэрэ (илъэс 12-м нэс зыныбжьыхэм), Адам Матю­шинымрэ Ирина Славновамрэ (илъэс 14-м нэс зыныбжьыхэм) текIоныгъэр къафагъэшъошагъ. Ахэр къэлэ спорт еджапIэм ще­джэх. Мыщ илIыкIохэм зэкIэмкIи хагъэунэфыкIырэ чIыпIэ 22-рэ къыдахыгъ.
Шъолъыр зэнэкъокъухэу псэупIэу Красногвардейскэмрэ (чъэ­пыогъум и 19-м) Адыгэкъалэрэ (шэкIогъум и 2-м ыкIи и 23-м) ащыкIощтхэм ахэлэжьэнхэу спорт­смен ныбжьыкIэхэм загъэхьа­зыры.