ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» мы мафэхэм Мыекъуапэ щыриIэгъэ ешIэгъум текIоныгъэр къыщыдихыгъ ыкIи мы спорт лъэпкъыр зыгу рихьэу республикэм исхэр ыгъэгушIуагъэх. Махачкала икомандэу «Динамо-2-р» тихьэкIагъ.

«Зэкъошныгъ» — «Динамо-2» — 5:0 (2:0).
Къэлапчъэм Iэгуаор дэзы­дзагъэхэр: Т. Хьэхыр (я 42-рэ такъи­къым), Г. Абдуллаевыр (я 45-рэ такъикъым), З. Коблыр (я 54-рэ такъикъым), Е. Рагулькиныр (я 80-рэ такъикъым), Э. Цанава (я 90-рэ такъикъым).
«Зэкъошныгъэм» щешIагъэх: Т. Хачировыр (къэлэпчъэIут), С. Черджиевыр, К. Юшко (Д. Ширковскэр), Т. Мохбалиевыр (П. Сотниковыр), У. Магомедбековыр (М. Гаджимагомедовыр), Т. Хьэхыр (А. Делэкъор), Э. Цанава, З. Коблыр, К. Антонец, Е. Рагулькиныр, Г. Абдуллаевыр (Т. Едыджыр).
Тренер шъхьаIэр — С. Мирошниченкэр.
«Динамо-2-м» щешIагъэх: Б. Ражбудиновыр, (О. Алиевыр) — къэлэпчъэIутых, А. Акаевыр, А. Хачаевыр (М. Ибрагимовыр), А. Шихалиевыр, С. Уцумиевыр (И. Михтеевыр), К. Зайнавовыр, М. Арслановыр, М. Абдуллабековыр (Д. Алиевыр), К. Таштемировыр (А. Темирсултановыр), М. Ибрагимовыр, Р. Алиевыр.

Тренер шъхьаIэр – Р. Магомедовыр.
«Зэкъошныгъэм» ешIэкIэ дахэ къыгъэлъэгъуагъ ыкIи къытефэу текIоныгъэр къыдихыгъ. Адыгэ Республикэм и Мафэ хэзыгъэунэфыкIырэ цIыфхэр агъэгушIонхэм тифутболистхэр пылъыгъэх ыкIи ар къадэхъугъ. Апэрэ Iэгуаор къэлапчъэм дэзыдзагъэр Хьэх Тамирлан. Мыщ ыуж такъикъищ тешIагъэу пчъагъэм хигъэхъуагъ Гаджимурад Абдуллаевым.
Апэрэ таймым ыуж хьакIэхэм ятренер къэлэпчъэIутыр зэбли­хъугъ, ау ащи ешIэгъум зэхъокIыныгъэ фишIыгъэп. Я 54-рэ такъи­къым Кобл Заид къэлапчъэм Iэгуаор дидзагъ. Охътабэ темы­шIэу Евгений Рагулькиным пчъа­гъэр 4:0 ышIыгъ. Аужырэ Iэгуаор къэлапчъэм дэзыдзагъэр Эдди Цанава. ЗэIукIэгъур 5:0-у аухыгъ.
— ЕшIэгъу пэпчъ тиешIакIэкIэ, къэлапчъэм Iэгуаоу дэтыдзэхэ­рэмкIэ, титекIоныгъэхэмкIэ футболыр зыгу рихьыхэрэр дгъэгушIонхэ фае. Непэрэ текIоны­гъэр республикэм щыпсэухэрэм афэтэгъэхьы, — къыIуагъ зэфэхьысыжьхэр къышIызэ «Зэкъошныгъэм» итренер шъхьаIэу Сергей Мирошниченкэм.
Я 3-рэ турым изэфэхьысыжьхэр:
«Зэкъошныгъ» — «Динамо-2» — 5:0, «Астрахань» — «Шъачэ-2» — 3:1, «Рубин Ялта» — «Спартак-Налщык» — 1:1, «Легион» — «Ангушт» — 1:3.
Турнир таблицэм «Астрахань» пэрытныгъэр щиIыгъ. КъыкIэлъыкIощт турым мы командэм «Зэ­къошныгъэр» дешIэщт. ЗэIукIэ­гъур чъэпыогъум и 11-м пчыхьэм сыхьатыр 4-м Мыекъуапэ щы­кIощт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Астрахань» — 46.
2. «Шъачэ-2» — 42.
3. «Зэкъошныгъ» — 41.
4. «Рубин Ялта» — 37.
5. «Легион» — 30.
6. «Ангушт» — 29.
7. «Спартак-Налщык» — 18.
8. «Динамо-2» — 4.