Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм шъунаIэ тырышъуегъадзэ террористическэ нэшанэ зиIэ бзэджэшIагъэхэм язехьанкIэ амалыкIэхэр Украинэм икъулыкъу гъэнэфагъэхэм агъэфедэхэ зэрэхъугъэм.

Украинэм щынэгъончъэнымкIэ икъулыкъухэм, Украинэм зыкъэухъумэжьыгъэнымкIэ и Министерствэ разведкэмкIэ и ГъэIорышIэпIэ шъхьаIэ, джащ фэдэу националистхэм анаIэ лъэшэу зытырадзагъэр Урысыем ис пенсионерхэмрэ зыныбжь имыкъугъэхэмрэ зэщыхъон-зэпэуцужьын Iофхэм ахэщэгъэнхэр ары. Ахэр агъэплъэхъухэзэ, агъапцIэхэзэ, ежьхэм ашIоигъохэр арагъашIэх. Къэон зылъэкIыщт пкъыгъохэр унагъохэм ащагъэ­федэн алъэкIыщтхэу агурагъаIозэ аIэкIагъахьэх. Ащ фэдэ мэхъэджэ зекIуакIэм къыхэкIэу къэон зылъэкIыщт пкъыгъохэр цIыфхэм аIэкIагъэхьанэу пшъэрылъ зыфашIырэ кIэлэцIыкIухэ­ри, пенсионерхэри хэкIодэнхэ е фыкъонхэ алъэкIыщт.
ЗэкIэми тыкъяджэ сакъыныгъэ къызхагъэфэнэу, ахэм зарамыгъэгъэпцIэнэу, амышIэрэ цIыфхэм Интернетым ихъытыухэмкIэ е телефонымкIэ адэмыгущыIэнхэу.
Зыныбжь хэкIотагъэхэмрэ зыныбжь имыкъугъэхэмрэ гурыгъэIон IофшIэныр адызехьэгъэн зэрэфаем шъунаIэ тешъудзэнэу тышъолъэIу. ЗэкъодзакIохэмрэ террористхэмрэ ахэр ащыухъу­мэгъэнхэ фае. Урысые Федерацием ихэбзэухъумэкIо къулыкъухэм, икъэралыгъо ыкIи имуниципальнэ къулыкъухэм, ичIыфэт организациехэм яIофышIэхэм яхабзэп цIыфхэм телефонымкIэ е интернет-мессенджерхэмкIэ адэгущыIэнхэшъ ахъщэр нахь щынэгъончъэу щыт счетхэм арагъэхьанэу е нэмыкI цIыф горэхэм аIэкIагъэхьанэу араIонэу.