Муниципальнэ образованиеу «Абдзэхэ къоджэ псэупIэр» зыфиIорэм иадминистрацие зэхэщэн IофхэмкIэ иотдел ипащэ фэгъэхьыгъэ уголовнэ Iофым изэхэфын Урысыем и Следственнэ комитет иследственнэ гъэ­IорышIапIэу Адыгэ Республикэм щыIэм ыухыгъ.

Бзылъфыгъэр зыфагъэмысэрэр Урысые Федерацием и Уголовнэ кодекс ия 292-рэ статья иа 1-рэ Iахь (IэнатIэу ыIыгъыр ышъхьэ ифедэхэмкIэ къызфигъэфедэныр) къыдилъытэрэ бзэджэшIагъэр зэрэзэрихьагъэм пай.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм иIофышIэхэм лъыхъон Iофхэу зэшIуахыгъэхэм къахэкIэу къаIэкIэхьэгъэ материалхэм атетэу уголовнэ Iофыр къызэIуахыгъ.
Нафэ къызэрэхъугъэмкIэ, 2024-рэ илъэсым тыгъэгъазэм и 6-м администрацием иIофышIэ гражданствэ зимыIэ хъулъфыгъэу 1992-рэ илъэ­сым къыщегъэжьагъэу къоджэ псэупIэм дэсым фэгъэхьыгъэ къэбар нэпцIыр зэрыт справкэр хэбзэнчъэу аритыгъагъ, а справкэмкIэ Урысыем игражданствэ ащ къаIихын ылъэкIыщтгъагъэ.
Мыекъопэ районым ипрокурор ыухэсыгъэ кIэух зэфэхьысыжьыр хьыкумыр хэплъэным пае фагъэхьыгъ.