Адыгэ Республикэм и Тэхъутэмыкъое район хьыкум къалэу Краснодар щыпсэурэ хъулъфыгъэу илъэс 47-рэ зыныбжьым зэрихьэгъэ бзэджэшIагъэм пае уголовнэ Iоф къызэIуихыгъ. Урысыем и Уголовнэ кодекс ия 159.2-рэ статья ия 4-рэ Iахь (зэкъодзакIом ахъщэшхо къаIихыгъэу загъэунэфыкIэ) къыдилъытэрэ бзэджэшIагъэр ащ зэрихьагъ.

Я II-рэ купым хэхьэрэ сэкъатныгъэ иIэу медицинэ документ нэпцIхэр ащ къызIэкIигъахьэхи, пстэумкIи зэхэубытагъэу сомэ 312 615,2-рэ пIэлъэ гъэнэфагъэм къаIихыгъ.
Урысыем и ФСБ и ГъэIорышIапIэу Адыгэ Рес­публикэм щыIэм къыIэкIэкIыгъэ материалхэм атетэу Урысыем и МВД Тэхъутэмыкъое районымкIэ и Следственнэ отдел уголовнэ Iофыр зэхи­-фыгъ.
Урысыем и Уголовнэ кодекс ия 159.2-рэ статья ия 3-рэ Iахь къызэрэдилъытэрэм тетэу Адыгэ Республикэм и Тэхъутэмыкъое район хьыкум тазырэу сомэ мини 150-рэ ащ тырилъхьагъ.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Респуб­ликэм щыIэм ипресс-къулыкъу