Зиэкономикэ хэхъоныгъэкIэ пэрытныгъэ зыIыгъ шъолъыр­хэм Адыгеир ахэхьагъ. АР-м и ЛIышъхьэ социальнэ хъытыу­хэм ащыриIэ нэкIубгъохэм ащ фэгъэхьыгъэу къаригъэ­хьагъ.

Урысыем экономикэ хэхъоныгъэмкIэ и Министерствэ къызэритыгъэмкIэ, 2026 – 2028-рэ илъэсхэм Урысые Федерацием социальнэ-экономикэ хэхъоныгъэу ышIыщтхэр къырадзагъэх.
Мы илъэсым икIэуххэмкIэ, шъолъыр 79-мэ яэкономикэ зыкъиIэтынэу мэгугъэх.
Зэхэубытэгъэ продуктэу къахьыжьырэмкIэ пэрытныгъэ зыIыгъхэр Чукотскэ автоном коир (процент 20,8-рэ), Калужскэ хэкур (проценти 7,7-рэ), Адыгэ Республикэр (проценти 6,5-рэ), Удмуртскэ Республикэр (проценти 5,6-рэ), Къэбэртэе-Бэлъкъар Респуб­ликэр (проценти 5,5-рэ), Севастополь (проценти 5,3-рэ), Курган хэкур (проценти 5,2-рэ), Забайкальскэ краир (проценти 5,1-рэ).
«2026 – 2028-рэ илъэсхэм Урысые Федерацием ишъолъыр пстэуми гурытымкIэ илъэсым яэкономикэ зыкъи­Iэтынэу мэгугъэх. Промышленнэ шъо­лъырыр Тэхъутэмыкъое районым зэрэщагъэпсырэм, зыгъэпсэфыпIэу «Лэгъонакъэ» зэрашIырэм яшIуагъэкIэ хэхъоныгъэшхо зышIыщт шъолъырхэм тиреспубликэ ахалъытагъ (2026 — 2028-рэ илъэсхэм гурытымкIэ проценти 5,3-кIэ ащ зыкъиIэтыщт», — аритхагъ инэкIубгъохэм КъумпIыл Мурат.