Аужырэ едзыгъом хэлэжьагъ
Урысые Iофтхьабзэу «Загрузи себя футболом» зыфиIорэм икIэух едзыгъо хэлэжьагъ республикэ спорт еджапIэр къэзыгъэлъэгъорэ командэу «Зэкъошныгъ-2015-р».
ЕшIэгъухэр псэупIэу Витязевэм испорткомплексэу «Витязь» зыфиIорэм щыкIуагъэх. Мыекъуапэ икомандэ турнирым ипэублэ дэгъоу зыкъыщигъэлъэгъуагъ, зэкIэлъыкIоу текIоныгъэхэр къыдихыгъэх. Ау анахь мэхьанэ зиIэ едзыгъом Дмитрий Зверевым ыгъэсэрэ футболистхэм яблэнэрэ чIыпIэр къыщыдахыгъ. ЗэкIэмкIи командэ 44-мэ заушэтыгъ, арышъ, тиспортсмен ныбжьыкIэхэм гъэхъэгъэшIу ашIыгъэу плъытэ хъущт. «Зэкъошныгъ-2015-м» иешIэкIо анахь дэгъоу къыхагъэщыгъэр Георгий Линниковыр ары.