Заомрэ IофшIэнымрэ яветеранхэу, Адыгэ Республикэм инахьыжъхэу лъытэныгъэ зыфэтшIыхэрэр!
ТичIыпIэгъу лъапIэхэр!

Зыныбжь хэкIотагъэхэм я Дунэе мафэкIэ тышъуфэгушIо!
Непэ тызэрыгушхорэ пстэури зы­гъэ­псыгъэ, къытфэзыухъумэгъэ нахьыжъхэу зикъарыукIэ хэгъэгум хэхъоныгъэ езыгъэшIыгъэхэм, лъэпкъ шIэжьыр зымыгъэкIосагъэхэм лъытэныгъэшхо зэрафэтшIырэр мы мафэм къэтэIо.
Непэ амалышIу тиI щыIэныгъэм бэ зыщыпэкIэкIыгъэ, ушэтыныбэ зэпызычыгъэ, чIыпIэ къинхэм такъы­рыкIыжьынымкIэ гъозэшIу къытфэхъу­рэ тинахьыжъхэм лъэшэу тызэрафэразэр къэтIонэу. ШIэныгъэу, опытэу, гулъытэшхоу шъуиIэмкIэ, Хэгъэгум пае шъузышъхьамысыжьэу шъузэрэ­лэжьагъэмкIэ ренэу ныбжьыкIэхэм щысэтехыпIэшIоу шъуряI.
Лъытэныгъэ зыфэтшIырэ ветеранхэр, хэгъэгум фэшъушIагъэм ыкIи непи фашъушIэрэм апае «тхьашъуе­гъэпсэу» шъотэIо. Социальнэ-экономикэ пшъэрылъышхохэр гъэхъагъэ хэлъэу зэшIозыхын, сыд фэдэрэ къини зэпызычын зылъэкIыщт обществэм изэхэщэн джыри шъуиIахьышIу хэшъошIыхьэ, шэн-хэбзэ дахэхэр къызэтегъэнэжьыгъэнхэм, цIыфыгъэ­шхо ахэлъэу ныбжьыкIэхэр пIугъэнхэм шъуишъыпкъэу шъуфэлажьэ.
Псауныгъэ пытэ, щыIэкIэшIу шъуи­Iэнэу, шъуигъашIэ кIыхьэ хъунэу, шъуигупсэхэмрэ шъуиIахьылхэмрэ ягуфэбэныгъэ шъущымыкIэнэу, хъярыр къышъобэкIэу шъущыIэнэу, жъышъхьэ мафэ шъухъунэу тышъуфэ­лъаIо!
Адыгэ Республикэм
и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ
и Секретарэу
КъумпIыл Мурат
Адыгэ Республикэм и Къэралыгъо Совет — Хасэм
и Тхьаматэу
Владимир Нарожнэр