Мы мазэр дышъэ бжыхьэм ыгузэгу. Ар зыфэдэщтым тыщигъэгъозагъ гидроме­теорологиемкIэ ыкIи тыкъэзыуцухьэрэ дунаим иуплъэкIункIэ Гупчэм ипащэу Александр Митровым.

Ащ къызэриIуагъэмкIэ, чъэпыогъу мазэм гурытымкIэ фабэр градуси 7 — 11-м нэсыщт. Чэщрэ нахь чъыIэщт. Мазэм иапэрэ мафэхэр фэбэщтых.
Чъэпыогъум иапэрэ мэфипшI — чэщым фабэр градуси 8 — 13-м нэсыщт, нахь мэфэ чъыIэхэри къыхэкIыщтых. Мафэм фабэр градус 13 — 18-м нэсыщт. Градус 27-рэ зыщыIэщт мафэхэри къыхэкIыщтых.
Мазэм иятIонэрэ мэфипшI — чэщым фабэу градуси 6 — 11 щыIэщт, чъыIэр зы градусым зыщынэсыщтхэри хэт, мафэм фабэу 13 — 18 щыIэщтыр.
Ящэнэрэ мэфипшIым — чэщырэ градуси 4 — 9, мафэм 14 — 19 щыIэщт. Мэфэ нахь чъыIэхэри къыхэкIыщтых. Мазэм къыкIоцI пчыкIэ оешхохэр, ощхым жьыбгъэ чъыIэ зыщыхэтыщт мафэхэри къыхэкIыщтых. Къушъхьэм нахь пэблэгъэ районхэм ос цIынэ къащесын ылъэкIыщт, пчэдыжьыпэхэм ыкIи чэпэ зэхэогъухэм пщагъоу щытыщт.
Псыхъохэм адэт псыр шапхъэу щыIэхэм ашIокIыщтэп. Ау лъэшэу къызещхырэм, псыр къащыдэкIоен ылъэкIыщт. Мэкъумэщ культурэхэм яшIушIэгъэнхэмкIэ чъэпы­огъум гумэкIыгъо къыздихьыщтэп.
ДЕЛЭКЪО Анет.