Джыри зэ агъэмысагъ
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм бзэджэшIагъэ зезыхьагъэхэм пшъэдэкIыжь зыщахьырэ хьапсэу N 2-м къалэу Владивосток щыщ хъулъфыгъэу дэсым терроризмэм зэрэдыригъаштэрэр шъхьэихыгъэу къыриIотыкIэу агъэунэфыгъ.
Хьапсым зэрэдэсэу ащ хэбзэукъоныгъэ зэришIырэр зыдишIэжьзэ, Урысые Федерацием иполитикэ, Украинэм хэушъхьафыкIыгъэ дзэ операциер зэрэщызэхащагъэм зэрадыримыгъаштэрэр шъхьэихыгъэу къыдыдэсхэм апашъхьэ къыщиIощтыгъ, тероризмэм пыщэгъэ организациеу Урысыем щамыштагъэм хэтхэр Белгородскэ хэкум зэрэтебэнагъэхэр шIотэрэзыгъ, ахэм уахэлэжьэныр игъоу ылъытэщтыгъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ Урысыем и Уголовнэ кодекс ия 205.2-рэ статья иапэрэ Iахь диштэу мыщ ылъэныкъокIэ уголовнэ Iоф къызэIуихыгъ.