ТичIыпIэгъу лъапIэхэр!
Адыгэ Республикэм щыпсэухэу лъытэныгъэ зыфэтшIыхэрэр!

ИлъэсищкIэ узэкIэIэбэжьмэ, мыщ фэдэ мафэм тарихъ хъугъэ-шIэгъэшхо къэхъу­гъагъ – Урысые Федерацием и Президентэу Путин Владимир Владимир ыкъор, Донецкэ, Луганскэ народнэ республикэхэм, Запорожскэ, Херсон хэкухэм япащэхэр мы шъолъырхэр Урысыем къызэрэхэхьажьхэрэмкIэ зэзэгъыныгъэхэм Кремлым и Георгиевскэ зал щакIэтхэгъагъэх.
ТихэгъэгукIэ Iоныгъом и 30-р тарихъ зэфагъэр зыпкъ зэриуцожьыгъэм, Урысыем щыпсэурэ цIыф лъэпкъыбэмэ языкIыныгъэрэ язэкъотныгъэрэ ятамыгъэу хъугъэ. Тикультурнэ-тарихъ, гушъхьэ кIэн, тызэзыпхырэ хабзэхэм, ­лIэшIэгъу пчъагъэхэм тхэлъ хъугъэ шIуагъэхэм якъэухъумэн мэхьанэшхо зэриIэр ащ тыгу къегъэкIыжьы.
Тихэгъэгогъухэм зэпхыныгъэу адытиIэм непэ гъэхъагъэ хэлъэу зетэгъэ­ушъомбгъу, Херсон хэкумкIэ Геническэ районым изэтегъэпсыхьажьынкIэ IэпыIэгъу тыфэхъу, Урысые Федерацием щызэрахьэрэ экономическэ, социальнэ Iофтхьабзэхэм ахэщагъэ хъунымкIэ тишIуагъэ къэтэгъакIо.
Iашэр аIыгъэу Урысыем ифедэхэр къэ­зыгъэгъунэрэ, Донбассрэ Новороссиемрэ ащыпсэухэрэр Украинэм инеонацизмэ щызыухъумэхэрэ тидзэкIолIхэм лъэшэу тызэрафэразэр непэ къатIо тшIоигъу. ЛIыхъужъныгъэу, блэнагъэу зэрахьэрэмкIэ, япсэемыблэжьныгъэкIэ сыдигъуи ахэр щысэтехыпIэшIоу щытыщтых.
ШъолъырыкIэхэм арыс тихэгъэгогъу­хэм шIушIэ IэпыIэгъур къафэзыугъоихэрэм ыкIи аIэкIэзыгъахьэхэрэм, кIэлэцIыкIухэм яегъэджэнрэ языгъэпсэфынрэ зэхэзыщэхэрэм, инфраструктурэр, еджапIэхэр, кIэлэцIыкIу IыгъыпIэхэр, унэхэр, сымэджэщхэр зыпкъ игъэуцожьыгъэнхэмкIэ IэпыIэгъу афэхъурэ пстэуми «тхьашъуегъэпсэу» ятэIо.
ТекIоныгъэр къызэрэдэтхыщтым, Донбассрэ Новороссиемрэ мамыр щыIакIэм зэрэтехьажьыщтхэм, ыпэкIэ хэхъоныгъэ зэрашIыщтым тицыхьэ телъ.
ТичIыпIэгъу лъапIэхэр, тыгу къыддеIэу тышъуфэлъаIо псауныгъэ пытэ, щыIэкIэ-псэукIэ дэгъу шъуиIэнэу, Урысыем пае шъуиIофшIэн гъэхъэгъакIэхэр щышъушIынэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр