Тэхъутэмыкъое районым щыпсэурэ илъэс 45-рэ зыныбжь хъулъфыгъэм кIэлэпIупкIэр зэримытырэм къыхэкIэу хьыкум приставхэм Iоф къыфызэIуахыгъ. ЗэкIэмкIи ащ сомэ мин 220-м ехъу чIыфэу зэIуигъэкIагъ.

Хэбзэгъэуцугъэм диштэу ипшъэрылъхэр зимыгъэцакIэкIэ пшъэдэкIыжьыр нахь зэрагъэлъэшыщтыр хьыкум прис­тав-гъэцэкIакIом чIыфэ зытелъым гуригъэIуагъ. Джащ фэдэу ащ къэралыгъом игъунапкъэхэр зэпичынхэ фимытэу унашъо ышIыгъ. Тхылъэу IэкIэлъыгъэхэм къапкъырыкIызэ, хьыкум приставым хъулъфыгъэм ибанк счетхэр ыуплъэкIугъэх. КъызэрэнэфагъэмкIэ, кIэлэпIупкIэм ылъэныкъокIэ зэIуигъэкIэгъэ чIыфэр зэрэппщыныжьын плъэкIыщт ахъщэр ахэм арылъыгъ. Илъэси 2 зыныбжь сабыим сомэ мин 220-м ехъу фагъэ­кIожьыгъ.