Мыекъопэ районым щыщ хъулъфы­гъэм ылъэныкъокIэ къызэIуахыгъэ Iофыр хьыкум приставхэм зэхафыгъ. Зэра­гъэунэфыгъэмкIэ, кIэлэпIупкIэр игъом зэримытырэм къыхэкIыкIэ ащ чIыфэу сомэ миллионрэ мини 180-рэ зэIуигъэ­кIагъ.

Зипшъэрылъхэр зымыгъэцэкIэрэ хъулъ­фыгъэм административнэ пшъэ­дэкIыжь егъэхьыгъэным фытегъэпсыхьэгъэ протокол хьыкум приставым зэхигъэуцуагъ. Нэужым хьыкумым унашъоу ышIыгъэмкIэ мэфи 10-м телъытэгъэ административнэ арест ащ тыралъхьагъ. ИзекIуакIэ зэрэмытэрэзыр хъулъфыгъэм нэужым къыгурыIуагъ ыкIи кIэлэпIупкIэм итынкIэ чIыфэу телъыгъэр зэкIэ къыпщыныжьыгъ. АщкIэ Iофыр зэфашIы­жьыгъ.
Хьыкумым унашъоу ышIыгъэм диштэу кIэлэпIупкIэр игъом атын зэрэфаер, мыщ епхыгъэ хэбзэгъэуцугъэр зымыгъэцакIэхэрэм пшъэдэкIыжь зэрахьыщтыр, уголовнэ Iофи къафызэIуахын зэра­лъэ­кIыщтыр зыщагъэгъупшэ хъущтэп.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.