ДзюдомкIэ Къыблэ федеральнэ шъолъырым ипервенствэ иапэрэ мафэ Адыгеим испортсменхэм хагъэунэфыкIырэ чIыпищ къыщыдахыгъ. Зыныбжь илъэс 21-м емыхъугъэ кIалэхэр ыкIи пшъашъэхэр мыщ хэлажьэх. Ермэлхьаблэ щыкIорэ зэнэкъокъум республикэр нэбгырэ 32-мэ къыщагъэлъагъо.

Къыблэ федеральнэ шъолъырым исубъекти 9-мэ яспортсмен 286-рэ первенствэм ифинал едзыгъо хэлэжьэнхэм фэбанэх. Апэрэ мафэм республикэм илIыкIохэм гъэхъагъэу ашIыгъэ­хэмкIэ тагъэгушIуагъ. Цэй Алыйрэ Милана Дзагаловамрэ тыжьын медальхэр къафагъэшъо­шагъэх, Идар Соповыр ящэнэрэ хъугъэ.
Зэнэкъокъум иапэрэ мафэ медаль анахьыбэ къэзыхьыгъэр Краснодар краим ихэшыпыкIыгъэ команд ары: дышъэу – 7, тыжьынэу – 6 ыкIи джэрзэу – 8.