ФутболымкIэ Адыгэ Республикэм ичемпионат хэлэжьэрэ командэхэу финалныкъом ихьагъэхэр къэнэфагъэх. Зэнэкъокъум хэлажьэхэрэм зэкIэмкIи ешIэгъу щырыщ яIагъ, зэфэхьысыжьхэм ялъытыгъэу анахь дэгъухэр текIоныгъэм фэбэнэнхэ амал яIэ хъугъэ.

ЫпэкIэ къызэрэттхыгъагъэу, купэу «Б-м» щешIэгъэхэ «МФОК-у Ошъутенэмрэ» «Блащэпсынэмрэ» финалныкъом ихьагъэх. Купэу «Б-м» хэтхэр къэнэгъэ чIыпIитIум фэбэнагъэх. Командэу «Троям» ыпэкIэ лъыкIотэн амалышIу иIагъ. Ар «Кавказым» дешIагъ ыкIи апэрэ таймым къэлапчъэм Iэ­гоуищ дидзагъ. Ау ятIонэрэм «Кавказым» пчъагъэр зэфэдиз ышIыгъ ыкIи ащ ишIуагъэкIэ купым ятIонэрэ чIыпIэр щиубыти, финалныкъом ихьагъ. Мыщ пэрытныгъэр щызыубытыгъэр Адыгэкъа­лэ икомандэу «Асбир». Ар «Фэ­дзым» IукIагъ ыкIи 8:0-у текIоныгъэр къыдихыгъ.
Финалныкъом щызэдешIэщт командэхэр: «МФОК-у Ошъутен» — «Кавказ», «Асбир» — «Блащэпсын».