ГандболымкIэ Урысыем ичемпионат и Суперлигэ хэт «АГУ-Адыифыр» непэ IукIэщт Москва икомандэу «Лучым». Адыгэ къэралыгъо университетым иордэунэу Кобл Якъубэ ыцIэ зыхьырэм ешIэгъур щыкIощт.

Никита Голуб ыгъэсэрэ пшъа­шъэхэм мы зэIукIэгъум очкохэр къыщахьын гухэлъ яI, сыда пIомэ командитIуми акIуачIэ зэфэд. Мы илъэс ешIэгъум «АГУ-Адыифым» иIэгъэ зэIукIэгъуитIур шIуахьыгъ, «Ладэр» ыкIи «Астраханочкэр» къытекIуагъэх. Джырэ уахътэм республикэм икомандэ я 9-рэ чIыпIэм щыт. Пэрытныгъэр команди 5-мэ аIыгъ, ахэм очко плIырыплI рагъэкъугъ.
ЕшIэгъур пчыхьэм сыхьатыр 6-м рагъэжьэщт, учIэхьаным пае ыпкIэ птын ищыкIагъэп.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 4.
2. «Астраханочка» — 4.
3. «ЦСКА» — 4.
4. «Черноморочка» -4.
5. «Лада» — 4.
6. «Динамо-Синара» — 2.
7. «Луч» — 2.
8. «Звезда» — 0.
9. «АГУ-Адыиф» — 0.
10. «Университет» — 0.
11. «Кубань» — 0.
12. «Уфа-Алиса» — 0.