Мыекъуапэ игупчэу агъэкIэжьыгъэм ыуж ащ къыпэIулъ псэуалъэхэм ятеплъэ нахьышIу шIыгъэным ыуж ихьагъэх.

Урысыем и Почтэ зэзэгъыныгъэ зэрэдашIыгъэм тетэу федеральнэ почтэ зэпхыныгъэм и ГъэIорышIапIэ ыкIи ­почтэ отделение гупчэр зычIэтхэ унэм гъэцэкIэжьын куухэр рашIылIэнхэу аублагъ. Унэ Iупэмрэ чIэхьапIэмрэ компанием имылъкукIэ ыгъэцэкIэжьыщтых. Ащ фэгъэхьыгъэ къэбарыр исоциальнэ хъытыу­хэм къаригъэхьагъ Адыгеим и ЛIышъхьэ.
«Почтэр зычIэт унэр Мыекъуапэ игупчэ къызэрашIэжьыхэрэм ащыщ. Ащ итеплъэ икъызэтегъэ­нэн мэхьанэшхо иIэу тэлъытэ. ГъэцэкIэжьынхэм ауж архитектурнэ гъэнэфыныр ащ хэты хъущт, сплит-сис­темэхэу ыгупэкIэ пылъагъэхэр пахыжьыщтых, псыкъечъэхыпIэхэр зэблахъущтых, видеолъып­лъэным иамалхэр тырагъэуцощтых. Урысыем и Почтэ джащ фэдэу гъэцэкIэжьын куухэр ришIылIэщтых иавтомобиль дэхьапIи. Мы IофшIэнхэр зэшIуа­хыхэфэ отделением Iоф зэришIэрэм зэхъокIыныгъэ фэ­хъущтэп. ГъэкIэжьынхэм яшIуа­гъэкIэ Мыекъуапэ игупчэ лъэхъаным диштэу щагъэпсыгъэ иархитектурнэ теплъэ унэр къыдекIущт. Чэзыу-чэзыоу нэмыкI псэуалъэхэри дгъэкIэжьыщтых» — къытхыгъ КъумпIыл Мурат.