Фэтэрыбэу зэхэт унэхэм ачIэсхэм къырахырэ хэкIыр зэрахьылIэрэ чIыпIэхэм атет контейнерхэр псэолъэшIыным къыпыкIыгъэ пыдзафэхэр аратэкъонхэм фытегъэпсыхьагъэхэп. Ахэм ядэщын пае шъолъыр операторым шъхьафэу зэзэгъыныгъэ дэпшIынэу щыт.

«ЭкоЦентрэм» и Адыгэ шъолъыр къутамэ ащ фэдэ фэIо-фашIэхэр зэригъэцакIэхэрэр шъугу къегъэкIыжьы. Бжыхьэ уахътэу фэтэрхэм гъэцэкIэжьын IофшIэнхэр нахьыбэу зыщарашIылIэхэрэм ащ игъо дэдэ мэхъу. Шъолъыр операторым зэзэгъыныгъэ дэпшIымэ, игъом пыдзафэхэр Iуищыщтых, чIыпIэ гъэнэфагъэм рищэлIэщтых, охътэ лыем хэкIыр зэтетэкъуагъэу щылъыщтэп.
ГухэкIыми, зэкIэми ар агъэцакIэрэп. Унэхэм жъы хъугъэ техникэу къарахыгъэхэр, чырбыщым, плиткэм къапыкIыгъэ пыдзафэхэр, нэмыкIыбэхэр площадкэхэм атетэкъуагъэхэу уплъэкIуакIохэм бэрэ агъэунэфы. Джыри зэ шъугу къэтэгъэ­кIыжьы, автомашинэу контейнерхэм арылъ хэкIыр Iузыщыхэрэр пыдзэфэ инхэр аралъхьанхэм фытегъэпсыхьагъэхэп. Ащ фэдэ хэкI ахэм заратакъокIэ, псынкIэу мэкъутэх, яшIыжьын уахътэ ехьы, хэкIым иIущынкIэ графикыр укъуа­гъэ мэхъу.
ПсэолъэшIыным къыпыкIыгъэ хэкIыр шапхъэхэм адимыштэу зыщызэтыратакъорэр «ЭкоЦентрэм» егъэунэфы, етхы, ащ епхыгъэ материалхэр чIыпIэ зыгъэIорышIэжьыпIэ къулыкъу­хэм афегъэхьых, хэукъоныгъэр зышIыгъэр къычIагъэщымэ, административнэ пшъэдэкIыжь рагъэхьы. ХэкIэу зэтетэкъуа­гъэм иIухыжьын ащ ыпшъэ дэлъы мэхъу. Арышъ, гъэцэкIэжьын IофшIэнхэр зышъуухыхэкIэ, шапхъэхэм адиштэу пыдзафэхэр Iущыгъэнхэм шъунаIэ тетын фае.
Шъолъыр операторым зэзэгъыныгъэ дэшъушIыным пае мы телефонымкIэ шъукъытеу: 8-918-425-96-22. УпчIэ зиIэр «линие плъырым» иномер теон ылъэкIыщт: 8-800-707-05-08.