Top.Mail.Ru

Я 7-рэ чIыпIэм фэбанэ

Image description

ФутболымкIэ урысые зэнэкъокъухэм ахэлэжьэрэ командэхэу ЯтIонэрэ лигэм щешIэхэрэм (Купэу 1Б) яятIонэрэ зэIукIэгъу Мыекъопэ командэмкIэ гушIогъуагъэп, къытекIуагъэх.

Зэнэкъокъухэм яапэрэ чэзыу заухым ыуж Мыекъопэ футбол командэр яенэрэ чIыпIэм
щы­тыгъ. Джы ар яблэнэрэ чIыпIэм фэбанэ. Апэрэ зэIукIэгъоу яIагъэр Мыекъуапэ щыкIуагъ, командэу «Спартак-Налщык» зыIукIагъэр.
«Зэкъошныгъ» (Мыекъуапэ) – «Спартак-Налщык» (Налщык) – 0:0 (0:1),
Iэгуаор дэзыдзагъэр: Э. Блиев (я 64-рэ такъикъым).
«Зэкъошныгъэм» щешIагъэ­хэр: М. Вертиевыр (къэлэпчъэ­Iут), М. Гаджимагомедовыр, ­
К. Юшко, М. Кобжыр, У. Магомедбековыр, З. Коблыр, Э. Цанава, И. Зинченкэр (Н. Зезэрэхьэр), Т. Хьэхыр (Д. Ширковскэр), А. Делэкъор (Д. Антоненкэр).
Тренер шъхьаIэр – С. Мирошниченкэр.
«Спартак-Налщык» хэтыгъэ­хэр: А. Къумыкъур (къэлэпчъэIут), А. Гогузэкъор, М. Пириевыр,
Х. КIэдыкIоир, Р. Балкизовыр, Э. Блиевыр, А, ХьацIыкIур (Т. Дзугуловыр), И. Песковыр (М. Кенжевыр), Д. Сарбашевыр (С. Лысенкэр), А. Хачировыр (А. Черкесыр), И. Тлуповыр.
Тренер шъхьаIэр – М. Емкъу­жъыр.
«Зэкъошныгъэм» лъыплъэ­хэрэм, ар зикIасэхэр тифутболистхэр зэрешIагъэхэм ыгъэрэзагъэхэп. Зы Iэгоо закъоу зэIукIэгъум къэлапчъэм щыдадзагъэр хьакIэхэр ары дэзыгъэфагъэр. Къыхэгъэщыгъэн фае, Адыгеим икомандэ ушъхьагъу зэфэшъхьафхэр яIэхэу а мафэм хэтыгъэхэп футболист IэпэIасэхэу Гаджимурад Абдуллаевыр, Тургай Мокбалиевыр ыкIи Константин Антонец. Футболист ныбжьыкIэхэм ахэр икъоу зэблахъунхэ алъэкIыгъэп.


«Тифутболист ныбжьыкIэхэм джыри IэпэIэсэныгъэр къаIэкIэхьагъэп. ГухэкIми, футболистэу зэIукIэгъум хэлэжьэнхэ зымылъэ­кIыгъэхэм ачIыпIэ ахэр ихьагъэ­хэми, ешIэгъур къадэхъугъэп. Мызыгъэгурэ зэIукIэгъур мыгъэ тиIагъэхэм зэкIэми анахь дэй хъугъэ тэркIэ» — къыIуагъ «Зэкъош­ныгъэм» итренер шъхьа­Iэу С. Мирошниченкэм.
Iоныгъом и 27-м «Зэкъошныгъэр» IукIэщт командэу «Шъа­чэ-2-м».птурым
Апэрэ турым изэфэхьысыжьхэр:
«Зэкъошныгъ» — «Спартак-Налщык» — 0:1
«Астрахань» — «Ангушт» — 1:0
«Рубин Ялта» — «Легион» — 3:1
«Шъачэ-2» — «Динамо-2» — 0:0
Купэу 1Б-м хэхьэрэ командэхэр зыдэщыт чIыпIэхэр ыкIи очко пчъагъэу рагъэкъугъэр:

  1. «Шъачэ-2» — 41
  2. «Астрахань» — 40
  3. «Зэкъошныгъ» — 37
  4. «Рубин Ялта» — 36
  5. «Легион» — 29
  6. «Ангушт» — 23
  7. «Спартак-Налщык» — 17
  8. «Динамо-2» (Махачкала) – 3.