Мэз хъызмэтым иIофышIэхэу, иветеранхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIымкIэ – мэзым иIофышIэ и МафэкIэ тышъуфэгушIо!
ЧIыопс байныгъэшхоу щыт мэзыр дунаим зэкIэри щызэдиштэным фэIорышIэ. Мэзхэм якъэухъумэнкIэ ыкIи ахэр зыпкъ игъэуцожьыгъэнхэмкIэ пшъэ­рылъышхо зыгъэцэкIэрэ мэзлэжьхэм тыкъэзыуцухьэрэ дунаир зэщымыкъоным, тихэгъэгу иэкономикэ зыкъегъэIэтыгъэ­ным яIахьышIу хашIыхьэ.
Адыгэ Республикэм имэз хъызмэт иIофышIэхэм, иветеранхэм ясэнэхьат хэшIыкIышхо зэрэфыряIэм, Iофэу къа­фэгъэзагъэм зэрэфэшъыпкъэхэм, рес­публикэм имэз къэкIуапIэхэр акъылыгъэ хэлъэу зэрагъэфедэрэм афэшI лъэшэу тызэрафэразэр къэтэIо.
Шъугу етыгъэу шъузэрэлажьэрэм пае Адыгеим исхэм лъытэныгъэшхо къышъу­фашIы. Республикэм ичIыопс байныгъэ икъэухъумэнкIэ, лIэужыкIэхэм ар къа­фэгъэгъунэгъэнымкIэ пшъэрылъэу шъуи­Iэхэр гъэхъагъэ хэлъэу тапэкIи зэрэжъу­гъэцэкIэщтым тицыхьэ телъ.
Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, шIоу щыIэр зэкIэ къыжъудэхъунэу, шъуиIоф­шIэн гъэхъэгъакIэхэр щышъушIынэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр