Тэхъутэмыкъое районым иныбжьыкIэ футбол командэ мы зэнэкъокъухэм пстэуми анахь дэгъоу закъыщегъэлъагъо.

Гъэмэфэ мазэхэм ауж Iоныгъом командэхэм зэнэкъокъухэм апаублэжьыгъ. Республикэм имуниципалитетхэр къэзыгъэлъэгъорэ команди 7 чемпионатым хэлажьэ. Тэхъутэмыкъое районым икомандэ закъу джынэс къызытемыкIуагъэхэр, ащ текIоныгъи 7 иI, очко 21-рэ ригъэкъугъ.
Мы командэм анахь иешIэкIо дэгъоу къыхагъэщыгъ Дмитрий Копаневыр, ащ зэIукIэгъуи 7-м къэлапчъэм гъогогъу 27-рэ Iэгуаор дидзагъ.
ЯтIонэрэ чIыпIэм щыт Мыекъуапэ икомандэу очкоуи 6-кIэ тэхъу­тэмыкъуаехэм ауж къинэрэр. Ящэнэрэр Кощхьэблэ районым икомандэу очко 12 изыгъэкъугъэр ары. Теуцожь районым икомандэу «Чэчэнаеми» ащ фэдиз иIэр. Адыгэкъалэ икомандэ очкоуи 4 ригъэ­къугъ, Джэджэ районым и «ДЮСШ» — 3. Турнир таблицэр зэфешIыжьы Мыекъопэ районым икомандэу «Урожай» зыфиIоу очкоуи 2 зиIэр.
КъыкIэлъыкIощт зэIукIэгъухэр къэблэгъэрэ зыгъэпсэфыгъо мафэхэм щыIэщтых.