Краснодар краир загъэпсыгъэм ихэгъэунэфыкIын ехъулIэу Шытхьэлэ районым волейболымкIэ изэIухыгъэ турнир Адыгеим икомандэ хэлэжьагъ ыкIи хагъэунэфыкIырэ чIыпIитIу ыубытыгъ.

Зэнэкъокъухэм зыныбжь илъэс 15-м шIомыкIыгъэ пшъэшъэжъыехэр зыхэт команди 5 ахэлэ­жьагъ. Ахэр щыкIуагъэх И. И. Имгрунт ыцIэ зыхьырэ спорт еджапIэм.
Бысымхэм якомандэ Адыгеим икоманди 4-мэ текIоныгъэр ашIуи­хьыным лъэшэу пылъыгъ, ау ящэнэрэ чIыпIэр ары ыубытын ылъэкIыгъэр. Тыжьын медальхэр къафагъэшъошагъ Еджэркъуае иволейболисткэхэм, зэнэкъокъум ащытекIогъэ Мыекъопэ спорт еджапIэу С. Джэнчатэм ыцIэ зыхьырэм икомандэ ахэр шIо­кIынхэ алъэкIыгъэп. Тренерэу Галина Путятинам ыгъэсэрэ пшъэшъэжъыехэм зэIукIэгъухэр зэкIэ къахьыгъ.