Мыекъуапэ игупчэ муралыкIэ къыщызэIуахыщт. Адыгеим икъэлэ шъхьаIэ изекIо код изэтегъэуцон лъагъэкIуатэ.

Урамэу Советскэм искусствэхэмкIэ кIэлэцIыкIу еджапIэу тетым пэблагъэу фэтэрыбэу зэхэт унэу щытым ынэIу сурэтышхом итешIыхьан щаублагъ. Урысые Федерацием инароднэ, Адыгэ Республикэм изаслуженнэ сурэтышIэу Къат Теуцожь иIэшIагъэ техыгъэу «Джэныкъом дэжь» зыфиIорэр ары унэм тырашIыхьащтыр, дэпкъым фэшIоу, метрэ 15 илъэгагъэу ар ашIыщт. ТехнологиякIэхэр агъэ­федэхэзэ апэрэу Мыекъуапэ мурал щашIыщт.

Мыщ фэдэ шIыкIэм тегъэ­псыхьэгъэ нэгъунджэхэр кIэ­лъэу IэпэIасэм сурэтыр дэпкъым ригъэкIущт. Джащ фэдэу Мыекъуапэ игупчэ урамхэм атет унэхэм ащыщхэм муралхэр атырашIыхьащтых.
АР-м и ЛIышъхьэу КъумпIыл Мурат яIэпыIэгъоу Мыекъуапэ изекIо гупчэ изэтегъэпсыхьан фэгъэхьыгъэ программэм диштэу проектым игъэцэкIэн лъэкIуатэ.