ЩынэгъончъэнымкIэ Федеральнэ къулыкъум АР-мкIэ и ГъэIорышIапIэрэ УФ-м хэгъэгу кIоцI IофхэмкIэ и Министерствэ къалэу МыекъуапэкIэ иотделрэ яIофышIэхэм компьютерым къэбарэу дэлъыр хэбзэнчъэу къызIэкIигъэхьагъэу зэгуцэфэхэрэ хъулъфыгъэу илъэс 28-рэ зыныбжьыр къаубытыгъ.

Оперативникхэм зэрагъэунэфыгъэмкIэ, ащ зыщыщ ымышIэпэрэ инэIуасэ горэм IэшIэхэу ахъщэ къагъэхъэн зэралъэкIыщт шIыкIэм щигъэгъозагъ. Нэужым ежь компьютерым хэшIыкIэу фыриIэр къызфигъэфеди, дунаим ехыжьыгъэ нэбгыритIум къэралыгъо фэIо-фашIэхэм япортал «унэе кабинетэу» щыряIагъэхэм арыхьагъ, учетнэ записьхэм екIолIапIэ афишIыгъ.
Мыекъуапэ иполицие Урысыем и Уголовнэ кодекс ия 272-рэ статья иапэрэ Iахь диштэу уголовнэ Iоф къызэIуихыгъ. Ащ илъэси 4 хьапс къыдыхэлъытагъ.