Адыгэ Республикэм и ЛIышъхьэу КъумпIыл Мурат Урысые Федерацием щынэгъончъэнымкIэ и Совет и Тхьаматэ игуадзэу, партиеу «Единэ Россием» и Тхьаматэу Медведев Дмитрий Анатолий ыкъом ыныбжь илъэс 60 зэрэхъугъэмкIэ фэгушIуагъ.

«Къэралыгъо IэнэтIэ лъагэхэм зэраIутыгъэм елъытыгъэу ­Дмитрий Медведевым сувереннэ къэралыгъо пытэу щыт джырэ Урысыем изэтеуцон иIахьышхо хишIыхьагъ. Вице-­премьерэу зыщэтым апэрэ ­лъэпкъ проектхэр зэрагъэцакIэрэм ащ гъунэ лъифы­щтыгъ.
Къэралыгъом ипащэу, етIанэ Урысые Федерацием и Правительствэ и Тхьаматэу зыщэтми мэхьанэшхо зиIэ лъэныкъо­хэм языкъегъэIэтын Дмитрий ­Медведевыр ишъыпкъэу дэлэжьагъ, социальнэ зэхъокIыныгъэ заулэмэ къадыригъэштагъ, Урысыем иэкономикэ амалыкIэхэр щагъэфедэ хъугъа­гъэ.
Урысые Федерацием щынэ­гъончъэнымкIэ и Совет и Тхьаматэ игуадзэу ­Дмитрий Медведевым непэ къэралыгъом лъэпкъ щынэгъон­чъагъэр къыщыухъумэгъэным, зыкъэухъу­мэжьынымкIэ ащ амалэу иIэхэм ахэгъэ­хъогъэным, идунэе статус зыкъегъэIэтыгъэным иIахьышхо ахешIыхьэ.
Дмитрий Анатолий ыкъом политикэм ылъэныкъокIэ Iофышхо зэригъэцакIэрэри къэIогъэн фае. Ар япащэу партиеу «Единэ Рос­сием» и Народнэ программэ къы­хахыгъ ыкIи гъэхъагъэ хэ­лъэу щыIэныгъэм ар щыпхы­ращы.
Лъытэныгъэ зыфэсшIырэ Дмитрий Анатолий ыкъом псауныгъэ пытэ иIэнэу, гухэлъэу иIэхэр къыдэхъунхэу Урысые Федерациеми, ащ щыпсэу­хэрэми апае тапэкIи гъэхъэгъа­кIэхэр ышIынэу сыфэ­лъаIо!» — къ­аритхагъ АР-м и ЛIышъхьэу КъумпIыл Мурат ихъытыу нэкIубгъохэм.