Адыгэ Республикэм и ЛIышъхьэу КъумпIыл Мурат Пшызэ шъолъыр ­исхэми, краим игубернаторэу Вениамин Кондратьевми Краснодар краир зызэхащэгъэ МафэмкIэ афэгушIуагъ.

«Нэбгырэ миллион пчъагъэу культурэ хабзэхэр къэзыухъумэхэрэр, шъолъырым инеущырэ мафэ зыфэдэщтым ыгъэгумэкIыхэрэр мы мэфэкIым зэрепхых. Пшызэ шъолъырэу гъэ­бэжъулъэм ицIыфхэр твор­чествэм, IофшIэным, гъэхъэгъа­кIэхэм атырегъэгушхох, ущыпсэункIэ ыкIи сэнэхьатым ущылъыкIотэнымкIэ Краснодар краир хъопсэпIэ чIыпIэу ешIы.
Адыгэ Республикэмрэ Краснодар краимрэ тарихъ, экономикэ, культурэ зэпхыныгъэ пытэ зэрэзэдыряIэм тицыхьэ тырегъэлъы шъолъыритIуми язэдэлэжьэныгъэ тапэкIи нахь зызэриушъомбгъущтым.
Мыщ фэдэ мэфэкI мафэм Краснодар краим ис пстэуми хэхъоныгъэ, щыIэкIэ-псэукIэ дэгъу яIэнэу, шIум щымыкIэнхэу, Пшызэ шъолъырми, Урысые Федерациеми апае гъэпсын Iофым гъэхъагъэхэр щашIынэу сафэ­лъаIо!» – къаритхагъ Адыгеим и ЛIышъхьэу КъумпIыл ­Мурат ихъытыу нэкIубгъохэм.