ПсэупIэхэм, чъыгхэтэ товариществэхэм чIыгу Iахь ащызиIэхэм ахэр зэрамыгъэфедэхэрэр къэзыгъэлъэгъорэ шэпхъакIэу УФ-м и Правительствэ къыгъэнэфагъэхэм Iоныгъом и 1-м кIуачIэ яIэ хъугъэ. Ащ фэшI, мы лъэныкъом фэгъэхьыгъэ «линие плъырхэр» Росреестрэм АР-мкIэ и ГъэIорышIапIэ зэхищэнхэр ригъэжьагъ.

2025-рэ илъэсыр екIыфэкIэ мазэ къэс ящэнэрэ блыпэм ГъэIорышIапIэм испециалистхэм шэпхъакIэхэм къадыхэлъы­тагъэхэмкIэ упчIэжьэгъу зищыкIагъэхэм закъыфагъэзэн алъэкIыщт. ГущыIэм пае, чIыгур лъэныкъо гъэнэфагъэ пае къатыгъэу, бысымым фитыныгъэ зэриIэр къэзыушыхьатырэ тхылъхэр пылъхэмэ, ар зэримыгъэфедэрэр къэзыгъэлъагъо­рэм, ушъхьагъу гъэнэфагъэ иIэу амыгъэфедэрэмэ, пшъэдэкIыжь амыхьыным фэшI зэрэзекIонхэ фаем, нэмыкIхэм афэгъэхьыгъэ упчIэхэм джэуапхэр къа­ратыжьыщтых.
ШъуичIыгу Iахь шэпхъакIэхэм зэрадиштэрэм шъуехъырэхъышэмэ, экспертхэм упчIэхэр къафэжъугъазэх. Ахэр шъуиунэ шъукъимыкIэу телефонкIэ къэ­шъутынхэ шъулъэкIыщт.
КъыкIэлъыкIорэ «линие плъырыр» чъэпыогъу мазэм иящэнэрэ блыпэ пчэдыжьым сыхьатыр 10-м ыныкъом къыщегъэжьагъэу щэджагъом сыхьатыр 1-м ыныкъом нэс кIощт.
Телефонхэр: 8(8772) 55-85-37,
55-22-15.