ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэр» апэрэ чIыпIихым афэбэнэщт командэхэм ахэфагъэп. Я 26-рэ турым къыдыхэлъытагъэу Черкесскэ икомандэу «Нартыр» тихьэкIагъ.

«Зэкъошныгъ» — «Нарт» — 1:2 (1:1).
Къэлапчъэм Iэгуаор дэзы­дзагъэхэр: Э. Тхакоховым – я 11-рэ такъикъым, А. Делэкъом — я 13-рэ такъикъым, А. Оленевым — я 67-рэ такъикъым.
«Зэкъошныгъэм» щешIагъэх: М. Вертиевыр (къэлэпчъэIут),
Т. Мохбалиевыр, У. Магомедбековыр, М. Гаджимагомедовыр, К. Юшко (А. Малкандуевыр),
К. Антонец, Э. Цанава, З. Коблыр, Е. Рагулькиныр, Г. Абдуллаевыр, А. Делэкъор (Т. Хьэхыр).
Тренер шъхьаIэр — С. Мирошниченкэр.
«Нартым» хэтыгъэх: А. Магомедовыр (къэлэпчъэIут), Р. Исаевыр, А. Исмаиловыр, А. Кусковыр, М. Темишевыр (А. Давлитгереевыр), Х. Шахтиевыр, И. Доховыр (Г. Каргиновыр), ­Р. Машезовыр, Э. Тхакоховыр (К. Курбановыр), Х. Аппаевыр (А. Оленевыр), А. Панаевыр (О. Коротковыр).
Тренер шъхьаIэр — А. Магомедкамиловыр.
«Зэкъошныгъэр» апэрэ чIыпIихыр зыIыгъ командэхэм ахэхьаным ыкIи медальхэм афэбэнэным апае мы зэIукIэгъум изэфэхьысыжь мэхьанэшхо иIагъ. Ау мыщ дэжьым «Шъачэ-2-м» аужырэ чIыпIэр зыIыгъ «Динамо-2-р» къытекIон фэягъ. Черкесскэ икомандэ мы зэIукIэгъур къыхьымэ е пчъагъэр зэфэдизэу ыухымэ, апэрэ чIыпIихым афэбэнэщтхэм ащыщ хъущтыгъ. Къин къащыхъу­гъэми, ащ ифутболистхэм а пшъэрылъыр дэгъоу агъэцэкIагъ.
Я 11-рэ такъикъым «Нартым» пчъагъэр къызэIуихыгъ. ТIэкIу тешIагъэу «Зэкъошныгъэм» икапитанэу Делэкъо Аскэр къэлап­чъэм Iэгуаор дидзагъ, пчъагъэр 1:1 хъугъэ. Я 66-рэ такъикъым Александр Оленевым къэлапчъэм дидзэгъэ Iэгуаом хьакIэхэм текIоныгъэр къафихьыгъ.
Я 26-рэ турым изэфэхьысыжьхэр:
«Зэкъошныгъ» — «Нарт» — 1:2, «Ангушт» — «Рубин Ялта» — 2:2, «Спартак-Налщык» — «Динамо Ставрополь» — 0:1, «Кубань Холдинг» — «Астрахань» — 1:0, «Севастополь» — «Победа» — 0:0, «Шъачэ-2» — «Динамо-2» — 5:1, «Легион» — «Ростов-2» — 0:5.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Динамо Ставрополь» — 52.
2. «Кубань Холдинг» — 51.
3. «Севастополь» — 48.
4. «Победа» — 48.
5. «Ростов-2» — 44.
6. «Нарт» — 42.
7. «Шъачэ-2» — 40.
8. «Зэкъошныгъ» – 37.
9. «Астрахань» — 37.
10. «Рубин Ялта» — 33.
11. «Легион» — 29.
12. «Ангушт» — 23.
13. «Спартак-Налщык» — 14.
14. «Динамо-2» — 2.
    

Зэнэкъокъум иапэрэ едзыгъо изэфэхьысыжьхэмкIэ командэхэм чIыпIэу аубытыгъэм елъытыгъэу купитIоу агощыгъэх. «Зэкъошныгъэр» я 7-рэ чIыпIэм фэбэнэщтхэм ащыщ.
Мы купым хэхьэгъэ командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Шъачэ-2» - 40.
2. «Зэкъошныгъ» - 37.
3. «Астрахань» - 37.
4. «Рубин Ялта» - 33.
5. «Легион» - 29.
6. «Ангушт» - 23.
7. «Спартак-Налщык» - 14.
8. «Динамо-2» -2.
   Командэхэм зэIукIэгъу ­блырыбл яIэщт. Iоныгъом и 20-м «Зэ­-
   къо­шныгъэр» Мыекъуапэ ­щыIукIэщт «Спартак-Налщык».