АР-м хэдзынхэмкIэ и Гупчэ комиссие къызэритыгъэмкIэ, Адыгеим имунципальнэ образованиищмэ янароднэ депутатхэр Iоныгъом и 14-м хадзыжьыщтых. Мэкъэтынхэр пIалъэ­хэм апэ итэу Iоныгъом и 3-м рагъэ­жьагъэх.

Мыекъопэ районымкIэ зы мандат зиIэ хэдзыпIэ округэу N 10-м, Тэхъу­тэ­мыкъое районымкIэ мандатитIу зиIэ округэу N 8-м мандатитф зиIэ хэдзыпIэ округэу N 1-м янароднэ депутатхэр ары хадзыжьыхэрэр.
Хэдзынхэм языкI мафэу Урысыем щагъэнэфэгъэ Iоныгъом и 14-м хэдзы­пIэ участкэхэм ямыкIолIэшъущтхэм Iоныгъом и 3-м къыщегъэжьагъэу и 9-м нэс амакъэхэр атынхэ амал яIагъ. Iоныгъом и 10-м къыщыублагъэу и 13-м нэс чIыпIэ хэдзыпIэ участкэхэм якIолIэнхэ алъэкIыщт.
Гупчэ комиссием къызэритыгъэмкIэ, Мыекъопэ районымкIэ поселкэу Каменномостскэм, станицэу Дахъом, Тэхъутэмыкъое районымкIэ поселкэхэу Яблоновскэм, Перекатнэм, Прикубанскэм, къуаджэхэу Тэхъутэмыкъуае, АдыгеякIэм хэдзыпIэ участкэхэр къащызэIуахыгъэх.