Iоныгъом и 10-м, мафэм Джэджэ районым ит поселкэу Новэм рекIокIырэ гъогум къыщыхъугъэ автомобиль зэу­тэкIым кIэух тхьамыкIагъо фэхъугъ.

ЧIыпIэм къэсыгъэ следственнэ-оперативнэ купым хэтхэмрэ Къэралыгъо ав­тоинспекцием иIофышIэ­хэмрэ зэрагъэунэфыгъэмкIэ, районым щыщ илъэс 62-рэ зыныбжь хъулъ­фыгъэу машинэу ВАЗ-м исыгъэр ыпэкIэ къикIырэ транспортыр къызэрыкIорэ гъогум техьагъ ыкIи илъэс 37-рэ зыныбжь бзылъфыгъэм ыгъэIоры­шIэщтыгъэ IэкIыб къэрал къыщашIыгъэ автомобилым еутэкIыгъ.
МашинитIуми яводитель­хэм а чIыпIэм апсэ щыхэ­кIыгъ. IэкIыб къэрал къыщашIыгъэ автомобилым исыгъэ бзылъфыгъэу ­илъэс 65-рэ зыныбжьыми шъобж хьы­лъэхэр тещагъэ зэрэхъугъэм къы­хэкIэу идунай ыхъожьыгъ. Мы машинэ дэдэм исыгъэ шъэожъые цIыкIоу илъэсий зыныбжьым шъобж­хэр тещагъэ­хэу псын­кIэу сымэджэщым нагъэсыгъ.
ЧIыпIэу аварие къызщыхъугъэм автоинспек­цием инаряд заулэ къыращэлIэгъагъ. Ахэм яIоф­шIэн ынаIэ тетыгъ шъо­лъырым и Къэралыгъо автоинспекцие ипащэу, полицием иполковникэу Андрей Огур­цовым.
Адыгэ Республикэм хэгъэгу кIоцI IофхэмкIэ ­и Министерствэ и Къэра­лыгъо автоинспекцие иIофышIэхэм къызэрэхагъэщыгъэу, джырэ лъэхъан следствием зэхэфын Iофыгъохэр регъэкIокIых.