Урысые зэнэкъокъоу «Хьэшъо Iэгуау — фут­болист ныбжьыкIэ­хэм я Лиг» зыфиIорэм иящэ­нэрэ финал едзы­гъо Нижегородскэ хэкум щы­кIуагъ. 2010 — 2011-рэ илъэсхэм къэхъугъэхэр ащ хэлэ­жьагъэх.

Илъэс къэс зэхащэрэ турнирым Нижегородскэ, Астраханскэ, Ивановскэ, Волгоградскэ, Владимирскэ, Кемеровскэ, Новгородскэ, Амурскэ, Архангельскэ хэкухэм, Приморскэ ыкIи Красноярскэ крайхэм, Къалмыкъым, Дагъыстан, Башкортостан, Адыгеим ыкIи Алтай ялIыкIохэр хэлэжьагъэх. ЗэкIэмкIи командэ 16.

Медальхэм афэбэнагъэх ыкIи яIэпэIэсэныгъэ къагъэлъэгъуагъ республикэм и Кощхьэблэ район икIэлэцIыкIу-ныбжьыкIэ спорт еджапIэ зыщызыгъасэхэрэм. Ахэм ешIэгъуих яIагъ, тфым текIоныгъэр къащыдахыгъ. Финалныкъом Владивосток къэзыгъэлъэгъогъэ «Стартыр» тикомандэ къытекIуагъ, ащ ифутболистхэм ятIонэрэ чIыпIэр аубытыгъ. Волгоград икомандэу «Темпым» текIоныгъэр фагъэшъошагъ. Кощхьэблэ районыр ящэнэрэ чIыпIэм фэбэнагъ ыкIи Архангельскэ хэкум ешIэгъур къышIуихьи, хагъэунэфыкIырэ чIыпIэ къыдихыгъ.