«Пляжнэ» самбэмкIэ Урысыем и Кубок икъыдэхын фэгъэхьыгъэ турнир къалэу Анапэ щыкIуагъ. Ащ хъулъфыгъэхэми бзылъфыгъэхэми зыщаушэтыгъ.

Адыгэ Республикэр нэбгы­ритфымэ къагъэлъэгъуагъ. Килограмм 58-м нэс къэзыщэчыхэрэм якуп хэтыгъэ Тыгъужъ Тимур текIоныгъэр къыдихыгъ. БэнэкIо лъэшхэр зыхэлэжьэгъэхэ зэнэ­къокъур гъэшIэгъонэу, узIэпищэу кIуагъэ.
Iофтхьабзэм икъызэIухын фэгъэхьыгъэ мэфэкI зэхахьэм хэлэ­жьагъэх Краснодар краим игубернаторэу Вениамин Кондратье­вымрэ Урысыем самбэмкIэ и Федерацие ипащэу Сергей Елисеевымрэ.
— Хабзэ зэрэхъугъэу, мы тур­нирым спортсмен анахь лъэшхэр зэрещалIэх. Къихьащт илъэсым мы спорт лъэпкъымкIэ Урысыем ичемпионат Анапэ щыкIощт. Ащ изэфэхьысыжьхэм ялъы­тыгъэу, къэралыгъом ихэ­шыпыкIыгъэ командэ дгъэнэфэщт, ащ хьэхьащтхэр дунэе ыкIи европейскэ первенствэхэм ахэлэжьэнхэ алъэкIыщт, — къыIуагъ Сергей Елисеевым.
Тыгъужъ Тимур идышъэ медаль нэмыкIэу, хагъэунэфыкIырэ чIыпIэхэр къыдахыгъэх Кобл Рэ­мэзан, Мэлгощ Адам, Анцокъо Амир, Бэгъ Салим. Ахэр зэнэ­къокъухэм афэзыгъэхьазыры­гъэхэр Делэкъо Адам, Гъомлэшк Анзор, Джарымэкъо Рустам, Джа­рымэкъо Азмэт, Хьабэхъу Адам ыкIи Шъэумэн Байзэт.