УпчIэжьэгъу къыщыпфэхъущтых
Росреестрэм АР-мкIэ и ГъэIорышIапIэ шъугу къегъэкIыжьы, къэралыгъо чIыгу лъыплъэным ылъэныкъокIэ специалистхэм упчIэ афызиIэм мобильнэ приложениеу «Инспектор» зыфиIорэмкIэ джэуап зэригъэгъотын зэрилъэкIыщтыр.
Ар видеоконференцие шIыкIэм тетэу Iофтхьабзэхэр зэхэщэгъэнхэм фытегъэпсыхьагъ. Приложением фэIо-фашIэу ыгъэцакIэхэрэр къызIэкIэзгъахьэмэ зышIоигъохэм ар телефоным тырагъэуцон, «идентификациемкIэ» ыкIи «аутентификациемкIэ» ЗыкI системэр (ЕСИА) агъэфедэзэ, зыщатхын фае.
Нэужым упчIэжьэгъу зэрищыкIагъэм фэгъэхьыгъэ лъэIу тхылъыр къэралыгъо фэIо-фашIэхэм япортал иедзыгъоу «Контроль и надзор» зыфиIорэм щитыщт. Ащ упчIэу иIэр, фэIо-фашIэр зыщырищыкIэгъэ шъолъырыр, джэуапыр къызщыратыжьыщт уахътэу ежыркIэ нахь Iэрыфэгъур итхэгъэнхэ фае.
ЕтIанэ лъэIу тхылъыр Росреестрэм ичIыпIэ къулыкъу IэкIэхьэ. Ащ щыхаплъэхэшъ, онлайн шIы-
кIэм тетэу упчIэм джэуапыр къызщыратыжьыщт уахътэр электроннэ почтэмкIэ е къэралыгъо фэIо-фашIэхэм япорталкIэ къыфагъэхьыжьы.
«Илъэсыр къызихьагъэм къыщыублагъэу ГъэIорышIапIэм испециалистхэм приложениеу «ИнспекторымкIэ» гъогогъу 11-рэ ащ фэдэ Iофтхьабзэхэр зэхащагъэх», — къыIуагъ Росреестрэм ишъолъыр ГъэIорышIапIэ ипащэ игуадзэу Къуижъ Эдуард. — Iофым лъыплъэхэрэм къызэрэхагъэщыгъэмкIэ, мыщ фэдэ Iофтхьабзэхэр зэхэщэгъэнхэмкIэ мы шIыкIэр Iэрыфэгъу мэхъу.