2025-рэ илъэсым пыкIыгъэ мэ­зиблым цIыфхэм яIахь зыхэлъ псэолъэшIыным фэгъэхьыгъэ зэ­зэ­гъыныгъэ 3093-рэ, ипотекэм епхыгъэу 7815-рэ Росреестрэм АР-мкIэ и ГъэIорышIапIэ ыгъэпсыгъ.

Мы Iофым анахь шъхьаIэу хэтыр ипотекэм игъэпсынкIэ цифрэ шIыкIэр гъэфедэгъошIу зэрэ­хъугъэр ары. Ащ фэгъэхьыгъэ тхылъэу къатыгъэм ипроцент 95,63-р электроннэ шIыкIэм тетэу къагъэхьыгъ.
«Электроннэ шIыкIэр непэрэ обществэм пытэу хэуцуагъ. Тхылъхэр къэзытыхэрэм ащ шIуагъэу хэлъыр, уахътэр къызэрэзэтыригъанэрэр, зэрэIэрыфэгъур ыкIи зэрэщынэгъончъэр ашъхьэкIэ аушэты», — къыIуагъ Росреестрэм АР-мкIэ и ГъэIорышIапIэ ипащэу Марина Ники­форовам.
Кадастрэ учетым ыкIи фитыныгъэхэр ягъэтхыгъэнхэм пае тхылъхэр Росреестрэм иинтернет нэкIубгъо (https://rosreestr.gov.ru/) е къэралыгъо фэIо-фашIэхэм япортал (https://www.gosuslugi.ru) ащыптынхэ плъэкIыщт.