Мыекъопэ къэ­ралыгъо технологическэ университетым икъутамэу псэупIэу Яблоновскэм дэтым экстре­миз­мэмрэ терроризмэмрэ ныбжьы­кIэхэр ащыу­хъу­мэгъэнхэм фэгъэхьыгъэ Iофтхьабзэ щызэ-
хащагъ.

Апэрэ курсым истудентхэм Тэхъутэмыкъое районым иадминистрацие ныб­жьыкIэ IофхэмкIэ иотдел ипащэу ЛIэхъусэжъ Светланэ заIуигъэкIэгъагъ. НыбжьыкIэхэр агъэплъэ­хъу­хэзэ экстремизмэм ыкIи терроризмэм зэраха­щэхэрэр къафиIотагъ. Мы гумэкIыгъом фэгъэхьыгъэ социальнэ роликхэм, фильм кIэкIым ара­гъэплъы­гъэх. Ахэр зэхафыгъэх, упчIэу къэуцухэ­рэм яджэуап­хэр Iофтхьабзэм изэхэщакIохэмрэ студентхэмрэ къараты­жьыгъэх, практическэ Iоф­шIэнхэр зэшIуахыгъэх.

Мыекъопэ къэралыгъо технологическэ универ­ситетым икъутамэ ипащэ пIуныгъэ IофхэмкIэ игуа­дзэу Елена Мальцевам телефонкIэ ныбжьыкIэхэм къазэрэдэгущыIэхэрэм, ахэр агъэплъэхъухэзэ тер­роризмэм, экстремизмэм япхыгъэ бзэджэшIагъэхэм зэрахащэхэрэм ищы­сэхэр студентхэм къа­фиIотагъ, сакъынхэу за­къыфигъэзагъ. АмышIэрэ цIыфхэр, гъэпцIакIохэр телефонкIэ къазыфытеохэкIэ ямыдэIухэу, зэдэгущыIэгъур ащ лъыпытэу зэпагъэун зэрэфаер ныбжьыкIэхэм агурагъэIуагъ.