ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм Тэхъутэмыкъое районым иадминистрацие архитектурэмкIэ, къэлэгъэпсынымкIэ ыкIи чIыгухэм алъыплъэгъэнымкIэ иотдел ипащэ къуалъхьэ къаIихыгъэу къаубытыгъ.

Урысыем и Следственнэ комитет иследственнэ гъэIорышIапIэу АР-м щыIэм щынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофы­шIэхэм къаугъоигъэ материалхэм къапкъырыкIызэ уголовнэ Iоф къызэIуихыгъ.
ЗэрагъэунэфыгъэмкIэ, 2025-рэ илъэсым ищылэ-мэзэе мазэхэм районым идачэ товариществэхэм ащыщ чIыгу Iахьхэр щызиIэ нэбгыритIумэ тхылъ нэпцIхэр агъэпсынхэм фэшI зым сомэ мини 100, адрэм сомэ мини 150-рэ къуалъхьэ къаригъэтыгъ.
Ащ нэмыкIэу мы илъэс дэдэм игъэтхэпэ мазэ районым щыщ горэм ичIыгу Iахь псэуалъэу тыришIыхьащтымкIэ шапхъэхэр ыукъонхэу фитыныгъэ иIэным фэшI сомэ мин 200 къыIихыгъ.
Мы уахътэм зэхэфынхэр макIох, бзэджэшIагъэр зэрэзэрихьагъэр къэзыушыхьатырэ тхылъхэр агъэхьазырых, ащ фэдэ зекIуакIэм ушъхьагъу шъхьаIэ фэхъу­гъэр агъэунэфы.