Сомэ мини 160-рэ рагъэтыщт
Къалэу Мыекъуапэ изэгъэшIужь хьыкум участкэу N 2-р Росгвардием АР-мкIэ и ГъэIорышIапIэ лицензиехэм ятынкIэ и Гупчэ иIофышIэ иIоф хэплъагъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм зэрагъэунэфыгъэмкIэ, унэе ухъумэкIо организациехэм ащыщ ипащэ игуадзэ Iоф ашIэнэу фитыныгъэ къязытырэ тхылъхэр фигъэпсынхэм фэшI къуалъхьэ къыригъэтыгъ.
Хьыкумыр Iофым зыхаплъэм ыуж тазырэу сомэ 160000-рэ ыкIи хэбзэухъумэкIо къулыкъухэм, Росгвардием зы илъэсрэ ахэтын фимытэу тырилъхьагъ.
Хьыкумым рихъухьагъэм джыри кIуачIэ иIэ хъугъэп.