ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм Ространснадзорым имежрегиональнэ чIыпIэ ГъэIорышIапIэу Къыблэ Федеральнэ шъолъырым щыIэм иотдел ипащэ игуадзэ къуалъхьэ къаIихыгъэу къаубытыгъ.

Урысыем и Следственнэ комитет иследственнэ гъэIорышIапIэу АР-м щыIэм щынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм къаугъоигъэ материалхэм къапкъырыкIызэ уголовнэ Iоф къызэIуихыгъ.
ЗэрагъэунэфыгъэмкIэ, ащ 2021-рэ илъэсым иIоныгъо къыщыублагъэу 2024-м ишэкIогъу нэс хъызмэтшIапIэхэу «Славрусинвест», «Миг-Трейд» зыфиIохэрэм япащэхэм хьылъэзещэ автомашинэхэм ягъэзекIонкIэ административнэ хэукъоныгъэу ашIыгъэхэм апае пшъэдэкIыжь амыхьыным фэшI сомэ миллионрэ мини 100-рэ къаIихыгъ.
Пащэм хэукъоныгъэр зышIыгъэхэм зафигъазэзэ, тазыр амытыным фэшI къуалъхьэу къаштэн фаер зыфэдизыр тхьапэм афытыритхэщтыгъ. Ахъщэр нэмыкI счетым къырагъахьэщтыгъ.
Мы уахътэм зэхэфынхэр макIох, бзэджэшIагъэр зэрихьаным ушъхьагъу шъхьаIэ фэхъугъэр агъэунэфы.

ЩынэгъончъэнымкIэ Федеральнэ
къулыкъум АР-мкIэ и ГъэIорышIапIэ ипресс-къулыкъу