ФутболымкIэ шъолъырым ипервенствэ Адыгеим икъэлэ шъхьаIэ щаублагъ. Командэ пэпчъ нэбгыри 8 хэт.

Iофтхьабзэм изэхэщакIохэм командэхэр купитIоу агощыгъэх. Апэрэм хэтхэм мы мафэхэм ешIэгъуитIу яIагъ. «Блащэпсынэр» «Космосым», МФОК-у «Ошъутенэр» «Насыпым» 3:2-у атекIуагъэх. «Ошъутенэм» иухъумакIоу ХъокIо ТIахьир щэгъогогъо къэлапчъэм Iэгуаор дидзагъ.
Купэу «Б-м» хэтхэм непэ зэIукIэгъуитIу яIэщт. «Асбирыр» «Кавказым», «Трояр» «Фэдз» адешIэщтых. ТекIоныгъэр къыдэзыхырэ командэм шIухьафтын шъхьаIэ фэхъущт къэралыгъо мэхьанэ зиIэ чемпионатым хэлэжьэн зэрилъэкIыщтыр.